28 - VIE M' POUSSER !

 

Déhors, i fait frod : d’el neige ! moins 12 degrés ! Léon, dins sin lit, el couverture d’sus tiète, y o bié caud ! Mais i intind buquer al porte. Qu’est qui s’ passe ? I vo vir. Ché sin voésin, Néness, rond comme in boudin, qui li dit : «  Vié m’ pousser ! » Léon arferme el porte et arpart es coucher in romionnant.

Es fimme à li d’minde :

  « Qué qui s’passe ?

 - Ché Nénesse qui veut qu’j’al  el’ pousser !

- Ben ! Ti vos point ? Té s’ros bié contint, ti, qu’on vienne ed donner un cop d’ man ! ».

 Du cop, Léon y s’arliève, s’rhabille, ar met ses godasses, es capote, sin bonnet à oreilles et sort dins ch’ frod. Néness n’est pu lo !Alors y crie :

 «  Où qu’t’ es, Néness ? »  

Et l’aute, comme un babache, i répond inochammint :

« Dins tin gardin ,…. d’sus l’ balanchoire ! Vié m’pousser ! »

27 - A MERLIMONT, LES QUATRE SAISONS

Quand semble plus gai le cri du goéland,

Quand, d’un vert plus tendre, se pare l’argousier

Quand les frimas matinaux semblent se raréfier,

A Merlimont, c’est le printemps.

Quand sur le sable, s’ébattent les marmousets,

Quand les jeunes filles revêtent leurs maillots,

Quand, aux campings,  vient l’heure de l’apéro,

A Merlimont, c’est à nouveau l’été

Quand le vent mauvais, de plus en plus, ronchonne,

Quand, le soir, les flots se parent de sang et d’or,

Quand les rues, brusquement, changent de décor,

A Merlimont, voici venir l’automne.

Quand les promeneurs désertent le belvédère,

Quand, des terrasses, les tables sont rentrées,

Quand les mouettes se figent sur leurs pattes gelées

A Merlimont, s’en vient le vil hiver.

26 - HISTOIRES DRÔLES publiées dans la rubrique " HEIN ? " de la VOIX DU NORD

CHES AIGULES TEURNENT VITE - Fifine dit à Firmin, s' n' homme: " Ech' m'in vô quère d'el frane mon Zélie. Ech' n'o pour chinq minutes !

Firmin répond : " ben mi, ech vô raviser l'gazette !

- Ouais ! mais n'oublie poent d'arroser ech gigot tous les quarts d'heure ! "

AU BOULOT ! - Ech courache i n'étouffe poent Tonin, ech l'employé communal. Cha fait eune' semane qui cure ech fossé al sortie d'ech villache et i est loin d'avoir fini. Ech maire y vié l' vire et, chinq fos suite, li dit : " Armonte, Tonin ! et as t'heure ardeschint ! ".
Tonin obéit et, à la fin, i deminde : " Pourquô, Monsieu l' maire, qu' vous faites armonter et r'deschint' dins min fossé sans raison ?
- Quo sans raison ? Té vo donc poent qu' armonte pu terre avec les semelles ed tes godasses qu"aveuque ed pelle !"


DU CHIROP - In arrivant au boulot, ech pharmacien y vot in gars, appoyé ach' mur, tenant sin vint'. i d'mind' à s' serveuse : " Quo qui l'ô, ech gars déhors ? "
- Ché Tonin. i y est v'nu querre du chirop pour la toux. Ech n'in ai pos trové alors j' li ai donné un laxatif et i l'o bu d'in seul trait.
- Mais in sogne poent el toux aveuque in laxatif !!!!
- Si fait ! Ravissez, as t' heure, i n'ose pu tousser ! "


A MON D'ECH COEFFEUX - Tonin i vo à mon d' ech' coëffeux qui li d'minde commint i veut être coéffé.
Tonin i dit : "Rasé d'sus ch' côté gauche, eune banane ed traviole à droite, eune brosse ed sus aveuque un tro dins l' mitant, el' cahouette dégagée aveuque eune teuffe par chi par lo..."
Estomaqué, ech coëffeux i répond :"Mais ché poent possipe ! Ché poent eune cope cho!"
Et Tonin y répond :" Ah bon ! Ché poent eune cope ? Et pourtant ch' est cho qu'o m'avez fait el ' dernière fos ! "


DES VOESINS IMBETANTS - Tonin i n'est poent contint ed ses voésins du chinquième.. " Té vos, Zef, el nuit passée, à tros heures du matin, i z'ont tapé du pied ed sus plancher pindint eune d'mi-heure !
- Et i t'ont rinvillé ?
- Nin ! Incore heureux ! A t'heure lo, ech jouais d' el trompette ! "


R'TOUR ED VINCANCES - Après in mos chez sin fius, Fifine rintre à l' maison ed retraite et d'minde à Zélie si, elle itou, al a passé ed bonnes vincances.
" Ah ! Ed m'in parl' poent ! j' étos dins l' coma !
- Ah bon ! Et t'os eu du biau temps au moins ? "


EIN BIAU PRENOM - "Alors, Fifine, commint qu'al' s'appelle et' tiote-fille ? " d'minde Zélie.
- Moustache-ed'-cat !
- Mais, ch'est poient in prénom cho ! Tout l' monde i vô s'moquer d'elle !
- Ben ! Pourquô ? El' tiennne ed' tiote fille, al s'appelle bié Barbara ! "


CANCHONS ED NOEL - Zef fait répéter el' chorale ed sin villache pour el messe ed minuit. I s'rind compte qui y ô quéqu'cose qui vo poient. Il acoute bié et i s'adrèche à Tonin : " Dis donc, Tonin, si té ténais tin live dins l'aut' sins, au lieu ed canter " Léon " comme in ébeulé, te cant'ro pét-ête " Noël " comme les autes !"


A MON D'ECH BOULINGER - Zélie a n'est poient continte ed sin boulinger.
" Tonin, t'et moques ed mi. Té m' vind du pain rassis !
- In peu d' respect, Zélie ! J' fesos déjo du pain qu' t'étos pos core née !
- Justemint ! ché bié cho que te r'proche ! Ché de me l' vind' à ch' t heure !"


EUN' GROSSE TIETE - Ech' tiot fius ed Zélie i rint' in brayant al mason.
" Mèmère, mes comarades s'moquent ed mi : i disent que j'o eune grosse tiète !
- Mais nin, min tiot, to poient eune grosse tiète ! Tiens, v'lo tin béret ! Vo m querre chinq' kilos ed pimmes ed terre. Té les mettros ed dins! "


FAIS UN VOEU, MIN TIOT - L'aut' soër', Zélie al raviso el ciel aveuque sin tiot fius. I voëtent eune étoile filante.
" Fais vite un voeu, min tiot", dit Zélie.
- Ché fait ! Ech' voudro qui réalise avant ed' main matin sinon j'auro zéro in géographie !
- Ah bon ! Pourquo qu' té dis cho ?
- Ben, j' voudro qu' Berlin soé el capitale ed l'ingleterre avant qu'in professeur i corriche em' copie !"


OEUVRER IN EQUIP' - Fifine  ravise à s' farniète, ché ouvriers d' la DDE qui oeuvrent. Ech premier creuse in tro aveuque eune pelle et, tous les cinq mètes, i in fait autant. Dix minutes insuite, in deuxième ouvrier arrive et arbouche ché tros que ch' premier o creusés.

Intriguée, Fifine al va les vire et deminde che qui font.

" Ben, d'habitude, in est tros dins l'équipe mais aujourd'ui, chti lo qui plinte ché arbes, i est in RTT."

RIGOLER OU BRAIRE - Ech tiot Paulot i rintr' a l' mason in brayant.
" Quo qu' t'os à braire, min tiot ? li d'mande es mère.
- Papa a accroché el porte d'ech garache avec s' n' auto !
- Ché poïent bin grafe ! Ch' n'est poient eune raison d'in braire mais putôt d'in rigoler !
- Ché qu' o qu' j'ai fait mais i m'o collé eune claque ! "

ECH GROS ou T'CHIOT - El payelle  al est d'sus tape aveuque deux beefsteacks, in gros et in t'chiot. 
Tonin i sert ech prémier et i prind ch' pus gros.
" T'es vraimint in mal appris !, li dit Zef.
 - Pourquô ? d'minde Tonin.
 - Quind in ô du savoir-vivre et qu'in sert in prémier, in prind ch' pu t'chiot !
 - Ah bon ! Ti, à m' plache, t'auros fait cho ?
 - Ben ouais !
 - Ben, t' es lo ech t'chiot ! Ed quô t'es plaint.... ? "

ARSEMBLANCE - Tintin et Zef i ont fait leu service militaire insimble au 43° RI à Lille. Chinquante ans plus tard, is s'artreuvent sus ch' marqué d'Arras.
" Ché poent croyable, Tintin, cho qu' té peux arsembler à m' fème !
- Ah bon ! A ch' poent lo !
- Ah ! Tout à fait ! A part el moustache ....
- Ben, j' n'ô poent d' moustache !
- Ti, nan ! Mais elle, ouais !

CHES CLEFS PERDUES - I fait nuit. Arsène vot sin comarate Nestor, à quat' pattes, in route à cacher qué qu' cose, à terre, in d'sous d' in limpadaire.
- Qu' é t'as perdu Nestor ?
- Ben, les clefs d' em' bagnole !
- Et té sûr ed les avoir perdues ichi ?
- Ben nan, pas du tout ! mais ché ichi qu' in vot pus clair !

A MON D' ECH VETERINAIRE - Nestor rinconte Arséne dins l' salle d'attinte d'ech vétérinaire.
" Qu'est-ce qui l' ô, tin tchin ? i est malade ?
- Nan ! mais i a mordu em' belle-mère !
- Té vos quand même poent el faire euthanasier pour cho ?
- Bin nan ! ech vié pour li faire aguger ses dints ! "

CHES GROS RADIS - Dins chés camps, in biau môssieu s'adrèche à ch' Père Firmin, assis sur eune arnécure.  : " Dites moi, mon brave, comment fait-il, le cultivateur, pour avoir d'aussi gros radis ? "
Ech Père Firmin li fait signe ed' s'abacher et i li dit à s'n'oreille: " Pour avoir des gros radis comme cho, ech cinsier lo i sème des bett'raves "
Pis, tout haut, i d'minde :" T'es poent par ichi, ti, min gars ?
- Oh non, mon brave, j'habite Paris. Je suis Parisien !"
Et ch' Père Firmin y ajoute : " Eh bin, min gars, té m" croros si té veux, mais j' l'auros parié à chint contre un !"

CANARD A L'ORANGE - "Quo t' as fait pour minger à midi, Fifine ?
- Du canard à l'orange !
-Ch'est t' homme qui vo s' régaler, i a querre cho, du canard à l'orange !
- Ben ouais ! Mais comme ech n' avos pu d'oranges, j' les ai rimplaché par des pimmes. et pour qu' cha aille bié aveuque el viande, à plache d'ech canard, j'ai mis du boudin !"

CHE MI QUI COMMINDE - Appoyés à ch' comptoir d'ech bistrot, Joseph et Firmin discutent.
" Al mason, ché mi qui comminde, déclare fièr'mint Joseph. Tiens, hier, ,j'ai dit à m' fimme
: Fifine, donne me d' el ieau caude !
- Et al té n'a donné tout' d' suite ? deminde Firmin.
- Ben ouais ! Illico. Car mi, pour rin au monde, je n' f''rais el vaisselle à l'ieau froide !"

PARLOTTES ED' VIUX - Joseph et Firmin, 90 ans, récauffent leu' viux oches, assis sur eune arnécure, au bord d'in quémin.
" J'ai mau partout, ....à m' n' épaule, ....à mes g'noux, ....dins min dos.... s' plaint Joseph, Ti, Firmin, commint t' et' sins ?
- Mi, cha vo ! j' m' sins comme in nouvieau-né !
- Ah bon... pourtant to l' même âge euqu' mi !
- Ben ouais ! J'ai pont d' caveux, pont dints et j'ai des couches-culottes !"


YACHT OU BATIEAU - Oscar et sin fiu Paulot sont sus l' plache ed Merlimont.
Tout d'un cop, Paulot i dit :
" Oh ! Ravise là bos, Papa, ech biau batieau !
- Mais, min garchon, ch' n'est pont un batieau, ch'est un yacht !
- Ah ouais !.... et commint qu' cha s'écrit : yatcht ?
- Heu...., attind .... nan, ch'est ti qui a raison, ch'est un batiau."


QUI A TREUVE L'AMERIQUE - " Marie, mout' nous sus l' carte où s' treuve l'Amérique", d'mande ech' clerc.
"Marie monte sus l'estrade, gratte es tiète et pose sin dogt in plein milieu ed l'Amérique.
" Bien," dit ch' clerc.
Pis, s'adréchant à Paulot qui o tout l'air ed raviser chés mouques voler :
" Paulot, qui a découvert l'Amérique ? "
Et Paulot, avec es n'air babache qu'i l'a toudis, i répond :
" Ben, ch' est Marie ! "

CHES BROCANTEUX - " Ech' meilleux brocanteux d'el' région, chez mi. dit Tonin. J'ai réussi à vind' em' vieille télé noir et blanc à in aveule !
- Nin, ché mi ch' meilleux ! rajoute Zef. J'ai vindu in coucou suisse à in Japonais !
- Bof ! Cha n'a rin d'extraordinaire !
- Pét-ête ! mais j'a réussi à li fourguer itou dix kilos ed' soile pour el nourrir !

ECH GROS ou T'CHIOT - El payelle  al est d'sus tape aveuque deux beefsteacks, in gros et in t'chiot. 
Tonin i sert ech prémier et i prind ch' pus gros.
" T'es vraimint in mal appris !, li dit Zef.
 - Pourquô ? d'minde Tonin.
 - Quind in ô du savoir-vivre et qu'in sert in prémier, in prind ch' pu t'chiot !
 - Ah bon ! Ti, à m' plache, t'auros fait cho ?
 - Ben ouais !
 - Ben, t' es lo ech t'chiot ! Ed quô t'es plaint.... ? "

PLEIN CH' TONNIEAU - " Où qu' té vau, Tonin, aveuc tin tonnieau d'sus t'épaule ? Té querqué comme in baudet !" deminde Zef à sin comarate.
- Ben v'lo ! Y au in mos, j'avos mau dins l' bos d' m' bodaine. Es sus allé vir ech méd'cin qui m' o donné des médicamints et i m'o dit de v'nir l'arvir aveuc mes urines. I faut qu' j' m grouille : j'ai rindez-vous dins in quart d'heure ! "

D'SUS CH' MARQUE - Zélie rinconte Phifine d'sus ch' marqué.
" Commint qu'cha vô, Phifine ?
-Oh ! Ech n'ai pont d' moral. Ech vié d' perdre em' n' homme !
- Ah bon ! Commint qu' ché t'arrivé ?
- Ech l'ai invoyé dins ch' courtil querre des porions pour faire d' el soupe. I l'a queut et i l'est mort d'eune crise cardiaque....
- Qué qu' t'as fait alors ?
- Des nouilles !"

EL VAQUE ED MATHURIN - Tonin fait du stop aveuqu' es vaque. Sin comarad' Gaston i s’arrête et dit :

« Ech j’veux bié t’ print, Tonin, mais t’ vaque … ?

- T’imbêt’ pont, ché eune bonne marcheuse, al va suiv’ t’ n’auto "

Vingt km/h,  40 … 80 … 100 : el vaque al est toudis lô, sin musiau collé ach’ par’choc.

   Gaston i s’énerve. A 140, y jette un œil sus ch’ rétro et, rigolard, i dit : 

« Al comminch’ à n’avoir marre, et’ vaque. Al tire es lingue !

- Ed quel côté ?

- Euh… A gauche !

- Accélére !…. Al veut doubler ! »

T'CHIEN PERDU - Ech père Mathurin a perdu sin tchien. Y l'a cassé s'quaine et est parti farfouiller dins ché s' hayures ed ché voyettes qui intourent ech village. Après l'avoir caché pertout, le père Mathurin rincontre ech maire et li deminde si sin tchien n'auro point été signalé à la mairie
" Il est tatoué, deminde ech maire.
- Bin sûr qu'il est à moais ! répond ech père Mathurin. Je n' vos point cacher après ech' tchin d'in aut' !"

25 - L' HEURE DE LA RETRAITE

Voilà ! C’est fait !
L’heure de la retraite a sonné.

Oubliés, les patients incontrôlables,

Les réunions interminables,

Les collègues intarissables.

Nous, tes parents, te revoyons enfant

Ecolier insouciant,

Collégien, lycéen, étudiant…..

Et puis la vie t’a happé.

A la psychiatrie, tu t’es consacré

Avec Annie, tu t’es marié.

Céline et Marjorie, tes filles, sont nées.

Camille et Lukas,

Mathias, Nathan et Mélissa

Ont fait de toi un grand-papa.

Demain, à tes loisirs, tu pourras te consacrer.

Tes enfants, aider.

Tes petits-enfants, choyer

La truite, taquiner

Au bricolage, te consacrer,

A l’informatique, t'adonner.

Alors, pleinement,

Avidement,

Gaiement,

Profites en !

Bonne retraite, Martial

Longue retraite, mon fils.



24 - EL MONDIALISATION

Ed pis qu’es n’usine al a été délocalisée in Roumanie, ech tiot Jean i est au chômage.
Ch’matin, dès qu’sin réveil (fabriqué au Japon) o sonné, i saute ed sin lit. Pindint qu’sin café y passe dins s’caf'tière (fabriquée in Chine), i s’rase aveuque sin rasoir électrique (fabriqué à Hong-Kong). Après i infile es’quémiche (fabriquée in Turquie), es marronne (fabriquée in Pologne) et ses godasses (fabriquées in Italie).
I prépare insuite sin p’tit déjeuner : des flocons d’céréale (importés des Etats Unis), des fraises d’Espagne et eun’ banane (du Costa-Rica). Aveuque es calculatrice (fabriquée au Mexique), i calcule sin budget d’el’ journée. Tout in acoutant sin transistor (fabriqué in Chine), i r’met à l’heure es montre (fabriquée à Taïwan). Pis, au volant d’es n’auto (fabriquée au Japon), i s’y vo à Pôle-Emploi pour treuver du boulot. Mais i n’y a rin pour li !
I rinte alors as’ mason, sin moral dins ses cauchettes. I s’verse in verre ed vin ed Californie et i s’ prépare ed quo minger : des chicons (cultivés in Belgique) et des tomates (d’ Espagne).
I allume alors es télévision (fabriquée in Indonésie), infile ses pantoufles (fabriquées in Inde) et i s' laiche querre d’sus sin canapé (fabriqué in Chine). Es tête dans ses mans, ses queudes d’sus ses g’noux, tout triste, i pinse… :

« Commint cha s’ fait qu’in n’arrive point à treuver d’boulot, ichi, in France ? »

23 - LE COFFRET AUX SOUVENIRS (2° prix au concours d'écriture 2010 de la revue littéraire "la Caudriole" de Caudry (Nord)

Réglement : Placer les quinze mots en caractères rouges dans un texte de moins de vingt lignes sans utiliser les auxiliaires être et avoir.


Dans la solitude d’une chambre de la maison de retraite, Grand-père tire de son armoire un coffret en bois blanc. Il en ouvre le petit cadenas et pose sur la table les objets contenus. A la vue des trésors étalés, les souvenirs reviennent. Un retour en arrière s’avère alors possible. Il les prend un à un dans ses mains décharnées et des images précises défilent dans sa tête. Il pense suffoquer en retrouvant ainsi quelques bijoux portés jadis par son épouse adorée, aujourd’hui décédée : un petit tam-tam en argent, un camée en forme de caméléon…. Il caresse le manche éburnéen du couteau qui lui servait autrefois à éplucher les pommes de terre du repas dominical et à tailler les fushias plantés près de la bordure des jacinthes odorantes du jardin familial. D’un œil content et attendri, il contemple une petite boussole dont l’aiguille tremblotante indique le Nord de façon plus précise que le plus perfectionné des appareils de navigation modernes. Un coquillage ramassé lors de vacances passées sur la côte d’Opale lui permet d’écouter encore le vent peigner les souples oyats et les argousiers épineux. Puis, de ses doigts tremblants, il feuillette longuement un vieux carnet de notes, souvenir éternel de la scolarité studieuse de l’aîné des enfants…..
Alors, d’un mouvement lent, il referme la boîte, la range dans l’armoire et pendant de longues heures encore, dans le flou du soir qui tombe, la larme à l’œil, il ressasse avec nostalgie les moments heureux et malheureux d’une vie qui s’achève.

22 - EL' POLONE (Histoire drôle)

Dins chés années dix neuf chint, gramint ed’ Polonais y sont v’nus œuvrer dins ch’ Nord-Pas d’ Calais. I travaillottent dins chés mines à tirer du carbon ou bié dins chés cinces. I arbraquètent chés bett’raves, labourétent, rafourètent ech’ bétal à l’étave ou i allètent moutent chés vaques dins chés courtils.
L’aut’ jour, ech tiot Toto y rint’ ed l’école in brayant.
« Quo qui passe ? » Y deminde sin père.
- J’ai eu in zéro in géographie : j’ai pas su moutrer eu qu’al s’ treuve el’ Polone ! »
- T’est in ignorint ! Ech’ vos t’el’ moutrer, mi, où qu’ ché qu’ al’ est l’ Polone ! Passe me el’ carte ed’ France ! »
I cache et y treuve point, bié sûr, el’ Polone.
- El’ carte lo, al’ n’est point assez détaillée. Passe me el’ carte d’el’ région !
Bié sûr, i n’treuve point non pu el’ Polone.
- El carte lo, al est trop p’tite. Donne me el’ carte d’ech Pas d’ Calais !"
I cache cor’ in momint et pis i dit :
" j’ comprins point…… El’ Polone, al’ dot point ête bié long pisque min comarate Joseph qui vié tous les jours œuvrer aveuque mi al’ cince, i vié à vélo …… ! "

21 - CH' SAURET (Traduction du poème de Charles Cros(1842-1888) : Le hareng-saur)

Y avot in grind mur blanc - nu, nu, nu,
Contre ech mur, eune équelle - haute, haute, haute,
Et, par terre, in sauret - sec, sec, sec.

Y s’amèn’, ténant dins ses mans - sales, sales, sales,
In martieau lourd, in grand clo - pointu, pointu, pointu,
Eune boule ed’ fichelle - grosse, grosse, grosse.

Alors y monte à ch’ l'équelle - haute, haute, haute,
Et plinte ech’ clo pointu - toc, toc, toc,
Tout in haut d’ech’ grand mur blanc - nu, nu, nu.

Y laich’ querre ech’ martieau - qui queut, qui queut, qui queut,
Loye à ch’ clo el’ fichelle - longue, longue, longue,
Et, au bout, ech’ sauret - sec, sec, sec.

Y redeschind d’ech’ l'équelle - haute, haute, haute,
L'importe aveuqu’ ech’ martieau - lourd, lourd, lourd,
Et puis, y s'en vo ailleurs - loin, loin, loin.

Et, d’puis, ech’ sauret - sec, sec, sec,
Au bout d’el’ fichelle - longue, longue, longue,
Tu duchemint y s’ berloque – toudis, toudis, toudis.

J'ai bafouillé ech’t’ histoère - simple, simple, simple,
Pou mette in rache chés gins - graves, graves, graves,
Et faire rigoler chés éfints - tiots, tiots, tiots.

20 - CHES FLAMMES POSTALES

I n’y o pos si longtin, ches timpes y étotent oblitérés aveuque eune flamme postale. Y avot ch’ cachet à date et, à côté, dins in rectingl’, qués rinseig’mints sus l’ville d’u qu’el’ lette al étot partie. Ch’ étot bié instructif. Mi, j’in faisos collection. In y apprenot qu’à Arras, y a deux belles plaches, qu’ Jean d' La Fontaine y est né à Catiau-Thierry, qu’à Caudry, in faisot d’el dintell’, que Fénelon i a vécu à Cambrai, qu’à Somain, y o eune gare ed triage, qu’Boulogne y est ch’ premier port ed pèque ed France ….
Acht’ heur, in n’sait même pu dé où qu’el lett’ el vié. Ché tout simplemint marqué, d’sus l’inv’lop’, qui t’arrive dé foé troés jours après avoir été j’té dins l’ boête aux lettes, « La Poste – Lettre prioritaire et pis l’date ». Tout juste pour qu’ té puisses vérifier ch’ dicton qui dit : « Kronembourg à la poste, Chronopost à la bourre »

19 - POUR D'VENIR RICHE........

Dins les années 90, j’avos créé in club ed ping-pong à Gennes-Ivergny. In samedi après-midi, Gérard Fleury, Marc Demoncheaux et pis mi, in rincontrot eune équipe ed Saint-Pô, Jean Domé, Vaast dit « ch’mitron » et Noël Théret.
In gagnot 5 à 4. Marc Demoncheaux y jouot sin dernier match contre Noël Théret. Si Marc y gagnot, ch’étot la victoire pour nous autes (6 à 4). Si y perdot, St Pol arrachot el match nul (5 à 5). Marc y gagne el premier set mais y perd ech deuxième. A la belle, Théret y mène 19 à 3. Ches sets s’ jouant in 21 points, ch’étot mal parti pour nous autes….. Mais Marc y bot comme in tchien, y égalise à 19 et y gagne 21-19. Théret y n’arvenot point.
El lind’man, i fait sin tiercé : 6 – 4 (el résultat d’ech match) pis el 3 (les tros points ed Marc) ; Y n’o point pu juer el 19 : y n’avot qu’18 qu’vaux au départ.
Eh ben, vos crorez si vos voulez mais Théret y o gagné ch’ tiercé dins l’ désorde et y o mis pus tros mille francs dins s’ poche.
Si vos volez êtes riches in jour, juez au tiercé…. Mais itou au ping-pong !

Photo : De gauche à droite, au premier rang : Marc Demoncheaux, Gérard Fleury, Bernard Lagache, Jean Lagache. Au deuxième rang : Michel Cossin, Maurice Février et Georges Ratel.

18 - ECH KEPI D'ECH GINDARM'

A ch’t heur’, chés gindarm’ y n’ont pu eune minute à eusses. I s’ muchent derrière chés hayures aveuque leus leunettes pour raviser si té n’reules pas trop vite ; i t’font souffler dins ch’ ballon pour vir’ si t’n’auros point bu in verre ed trop ; i t’attindent derrière chés fus rouches pour t’coincher si té passes à l’oranche…..

Dins l’ temps, y prénettent el temps d’vivre. Y s’allottent à vélo d’in bout à l’aut’ d’ech canton, toudis par deux comme chés témoins ed Jéhovah, faisant un procès à ch’ti lo qui laissot couler sin roussi dins ch’ fossé ou bié à ch’ti lo qui laissot corir sin t’chien dins chés rues. El pu souvint, y étottent dins ché bistrots à chucher eune bonne bistouille.

Eune fos, y étottent v’nus à la mairie pour avoir des rinseign’mints pour leus fichiers d’état civil. Ech’ l’ouvrach’ fait, y sont v’nus al’ mason boire l’apéro. Tout d’in cop, in sint comme eune odeur ed célluloïd qui breule. L’in d’chés gindarm’s y avot posé sin képi sus ch’ fu qui brûlot au ralenti. Y l’ prind in vitesse et l’passe sous l’ieau d’ech robinet. Pour y r’donner eune forme, on a rimplaché es celluloïd’ qui avot fondu par eune binde ed carton. Comme cho, ech gindarm’ y a pu traverser ch’ canton et rintrer al gindarm’rie avec in képi qui arsemblot plus à in képi qu’à l’ casquette ed Doc Ginéco. !

17 - PETIT LUKAS

Tu auras bientôt quatre ans.
Tu croques la vie à pleines dents.
Sages, les hommes ne sont pas.
Prends garde à toi, petit Lukas !

La couche d’ozone se déchire.
Est pollué, l’air que tu respires.
Sages, les hommes ne sont pas.
Prends garde à toi, petit Lukas !

Les poubelles regorgent de déchets.
Les usines multiplient les rejets.
Sages, les hommes ne sont pas.
Prends garde à toi, petit Lukas !Les hannetons ont disparu.
L’alouette ne chante plus.
Sages, les hommes ne sont pas.
Prends garde à toi, petit Lukas !

Quand, pour moi, le glas aura sonné.
Quand tu vivras ton trentième été.
Sages, peut-être, les hommes seront .
Petit Lukas, fais attention !

16 - CHES VACCINATIONS

« Lundi prochain, vous allez être vaccinés. Vous apporterez un flacon d’urine. » . Cho qu’ech clerc y n’avot point dit lo ! Pour mi, ch’étot la catastroph’. Je n’mingeos pu. Ech n’in dormos pu ou ben j’rêvos toudis qu’un gros méd’cin in blouse blanque y courot après mi avec eune grosse s’ringue sous sin bros.
Ech jour fatidique arrivé, y fallot m’ traîner à l’école comme on traîne in viau à l’abattoir. Dins l’classe, in aurot intindu eune mouque voler ! Tout d’in co, in tape al porte. Ech docteur Colau, in grand gaillard, y rinte, y pose es grosse sacoche ed cuir sus bureau et y in sort sin réchaud à alccol, ses fioles ed vaccin et s’boëte à s’ringues.
Chés pu p’tits y passotent chés premiers et y criotent comme des cochons qu’in égorgent. Chés pu grands y étoent blancs comme des linchus. Min tour y arrive. Ech doncteur y passe es n’aigulle aussi pointue qu’in piquet à vaques dins l’flamme d’ech réchaud, y m’ coinche intre ses g’noux, y frotte em’n’épaule avec in coton imbibé d’éther et plante es n’aigule. In nouviau coup d’éther et ouf ! ch’ étot fini ! Trinquille pour quéqu‘s années !
Eune fos, ech’ tiot Hinri qui restôt dins eune cinse à coté d’ech l’église, y so arsauvé à s’ mason, y so camoufflé derrière eune tôle appoyée sus ch’ mur d’eune étave. In a caché tout l’après-midi après li ; in l’a jamais artrové. Y n’est sorti d’es muche qu’au soir quand l’école al a été finie. J’eun’ parle point d’ech l’ingueulade qui l’o prind !

15 - IN N'A PU L' DROT D' FEUMER !

A cht’heure, in n’a pu l' drot feumer dins chez lieux publics, mêm’ dins chez bistrots… Si min père y s’rot incor’ lo, j’em’ demind’ cho qui in euro pinsé, li qu’ j'ai toudis connu avec es cigarette à s'bouque, à tel point qu’ ses dogts y étoent tout gônes ed’ nicotine.
Y faut dire qui n’ feumot point du toubac ed ‘gonzesses ! Ch’ étot du toubac in feuilles qui cultivot li mêm’ dins ch’gardin. Tous les ans, y in plantot une trentain’ ed pieds, camouflés derrière chés topinambours ou chés haricots à rames. In juillet, y faisot s’ récolte. Y infilot chés feuilles sur eun’ fichelle avec eun’ aigule qui l'avot faite avec eun’ baleine ed’ parapluie et y les faisot séquer dins ch’garnier, avant de les loïer in manottes qu’y ringeot, in lit d’toubac, in lit ed paille ed’ soile, dins eun’ vieille maie.
Tous les soirs, après avoir mingé, y copot, sur in bloc ed’bos, sin gros cigare ed’ toubac pour el’ lend’main avec un coutiau ragugé comm’ in rasoir. Quand y avot un mont à peu près gros comme sin poing, y l’ mettot dins s’ blague, eun' vessie d’ cochon qu’y l'avot fait séquer dins ch’ fournil, à côté d’ el’ quéminée d’ fu d’bos.
Min père y avot quère, les longues soirées d’été, d’ feumer es cigarette, assis sus ch’ querpion, avec sin tchien à côté d’li

14 - LA CHUTE DES FEUILLES

C’est l’automne,
C’est la chute des feuilles
C’est ainsi, on n’y peut rien.
Celle-là,
J’aurais voulu pourtant
Qu’elle reste là-bas,
Au loin.
Mais ce matin,
Elle était là.
Je l’ai prise
Dans mes mains tremblantes.
Je l’ai déposée sur la table.
Je l’ai étalée
Du dos de la main.
Mais mon coeur soudain s’est serré,
Mes yeux se sont écarquillés,
Ce n’est pas vrai !
C’est encore augmenté !!
Mais, c’est l’automne
On n’y peut rien
Ma feuille d’impôt,
Inexorablement,
Est tombée.

Georges RATEL

Croisilles (62128)

13 - ECH' TIOT ROBIN ET CHES POUBELLEUX (Histoire vraie)

Ech tiot Robin, tros ans, y est v’nu passer eune semane chez sin grand-père Jean-Marie et pis grand-mère Geneviève à la mer, à Merlimont. Il est six heures du matin. Chés viux y sont incor’ dins les bros d’ Morphée. Ech tiot Robin y intind du potin dins chés rues. Y s’ saque ed s’in lit et y vos d’sus balcon vir quoé qui s’passe. : Ché ché poubelleux qui font leu tournée ed ramassache ed chés ordures ménagères.
Robin y leu crie : « Bonjour messieurs ! ». In voïant ch’ tiot in haut d’ech balcon, in des poubelleux y dit. « Té lo, min tiot, cha vo ?
Robin y vo rinveiller sin grand’père et y demande : « Pourquoi, le monsieur il m’a dit : Té lo, min tiot, cha vo ? ». Pris in peu d’court, grand-père Jean-Marie y n’sait point quoé dire et y répond : « Eh bin….Eh bin…. Ché passe qu’y ramasse ché poubelles…. ».
In momint après, in cousin ed Robin y arrive ed Bétheune. Y dit bonjour à tout l’monde et, in passant s’ man sur l’tiête ed Robin, y dit : « Té lo, min tiot, cha vo ? ». Alors Robin y arcul’ d’eine ingambée et y d’mande : « Alors, ti aussi té ramasses chés poubelles ? ».

Georges RATEL
Croisilles (62128)

12 - CHE VACANCES A MERLIMONT

Té veux passer des bonnes vacances sur la Côte d’Opale ? Té vos à Merlimont-Plage. Lo, té peux faire el lézard sus l’ sab’, t’es peux laver tes pieds : el ïau al est bonne. Té peux ramasser des moules et pis d’zénons. Sinon, té peus cor d’assir al terrass’ du Bar d’el plage et, in chuchant eun’ bonne mousse, arbeïer ché fèmes qui papottent, ché jonnes files qui bronzent au solel ou ben ché galupiots qui barbottent din ché bâches in riant telmint y sont contints.
Mais té peux aussi aller arbeïer ché jueux ed boules ed bos. Té n’peux poen les louper, y sont à côté d’eun’ grande pancarte bleue où ché t’écrit : «AMICALE DES ESTIVANTS DE MERLIMONT-PLAGE, ouvert à tartous. Rinseign’mins ichi ». Té peux même juer avec eusses. Té s’ros toudis ben archu. T’as poen d’boules ed bos ? T’imbêtes point, y vont t’in prêter. Avec eux zautes, té vos find’ et’ pipe. Din l’bind’ lo, y n’o qui sont pas tristes.
Y o des foais, y jutent al pétanque à côté d’el plache d’ech marqué. Lo itou, té peux juer avec eusses. Té point fort ? Té s’ro toudis aussi fort que chti lo qui juot es première boule et pis qui avot cor ech cochonnet din s’ man. Té porros même arv’nir à t’n’appart (ché comme cho qu’on dit acht’heure) avec un tiot lot. Cha fro plaisi à t’fème qui s’ro aussi continte é pas toudis t’avoir din ses gambes.
T’as querre taper l’carton ? Les lundis, mercredis et vendredis, té porros faire ché concours ed belote. Attention, si té triches, ché amicalistes y vont raviser d’un sal’ oeil car y n’ont point querre chez tricheux !

Georges RATEL
CROISILLES (62128)

11 - IN JUE AU TRUCMUCH'

A Crogilles, comme pertout, in jue au Trucmuch’. Et in intind d’ché réflexions !
Ech méthodiqu’ y dit : « Mi, pour trover ché tros dessins qui sont camoflés, j’comminch’ d’in ch’ coin in haut à gauch’, et pis j’ ravise ed gauche à drote comme si qu’ech’ lisot. »
In aut’ y ajout’ : « Mi, ch’ fais à peu près parel à part qu’ech ravise d’in haut in bos comme y font chez chinos qu’in t’y lisent. »
V’lo cor cho qu’on peut intind :
Ech vantard : « Bo, ch’est point dur ! Mi, j’ai trouvé avant d’avoir ouvert el’ gazette. »
Ech défaitist’ : « Ché po cor el fos chi qu’es vos gagner ! Aujourd’hui, j’ai trové deux dessins et n’arrive point à trover ech’trozième. »
Ech râleux : « Cha y est, y z’ont mis deux dessins. Y z’ont oublié d’mett’ ech trozième ! Ech vos leur écrire, mi, à la Vos d’ech’ Nord ! »
Ech grand-père : « Qui ché qui a cor prind mes leunettes ? Ech vos point clair pour faire ech trucmuch’ »
Ech tiot qui rinte ed l’écol’ : « Où qu’al est l’gazette ? et pis , ne m’ dites rin, j’ vos trover tout seu. ».
Ech feignant qui fait même décoper l’vignette par s’fème : « Dis, min comarate, qué numéros qu’ t’as trovés aujourd’hui ? »
Ech’ tchien qui est couché comme un grand viau d’ sous l’table, sin musiau sur ses pattes (y n’parle point, mais y pinse si fort qu’on l’intind) : « Y ont t’y bentôt fini avec leu trucmuch’. Mi, j’ai fam. Y vont-y bétôt rimplir m' gamel’ ? »

Georges RATEL
CROISILLES (62128)

10 - EUN' HISTOERE ED CACHE

Adon, quand j’étos jonne clerc à Gennes-Ivergny, souvin, l’diminch’, j’allos al cache avec ech maire, Michel Bocquet, min voésin Daniel Dilly et min comarate, Michel Cossin. Eux, y cachottent et mi ech portos ch’ carnier.
In diminch’ matin, à côté d’ech’ bos d’ech’ Béquinval, Michel Cossin y avot tué eun’ tiote perdrix (du moins y l’ pinsot et mi aussi) que j’avos mis din ch’ carnier. Vers eun’ dizan’ d’heures, comme y faisot caud, tous les quat’ on s’est assis à l’ombe d’eune hayure pour arprind es n’halanne , casser in’ tiote croûte et boire in canon d’ pinard.
Ché cacheux y avottent posé leus fusils à côté d’eux din ch’ l’herbe et mi, min carnier. On discutot trinquilmin in mingeant sin cantiau rimpli d’pâté d’lieve tout in croquant in cornichon, eun’ échalote ou eun’ têt’ d’alle. Ch’ tien d’Michel Cossin, un grand dadais d’griffon sec com’ un ral’, y allot d’ l’un à l’aut’ pour archevoir un morchiau qu’i l’avaloé d’eune seule gueulée. I devot avoir, ch’tien lo, ché t’à croire, des boïaux comme des manches ed quémiche.
Tout d’in co, v’lo ti pas que l’oujeau qu’on croyot mort qui dessaque d’ech carnier et qui met à courir in clopinant ed’vant nous. Voïant cho, Michel Cossin, y tin s’man qui tient sin cantiau d’pain in direction d’el perdrix in criant « bé, bé, bé…arbeïe, arbeïe !!! al perdrix a s’arsauffe !!… » Ech sécral ed griffon, qui crot qu’ sin maît’ y veut y donner sin pain, y gueule ech morchiau vite fait ben fait in rinverchant avec es patte ech’ verre d’pinard qui étot posé à côté à terre.
Ch’ qui fait qu’in moins d’temps qui n’faut pour el dire, min Cossin y n’avot pu ni perdrix, ni casse-croûte, ni pinard.

Georges RATEL
Croisilles

9 - DINS MIN GARDIN

Au printemps, ech sus bien din min gardin, avec min t’chien
Quand, pour el première fos d’ l’année, j’arsors mes outils
Quand ech croque, à belles dints, dins ché premiers radis
Dins min gardin, ech sus contint.

In été, ech sus bien din min gardin, avec min t’chien
Quand ech sus assis su ch’ banc à l’ombe ed min peumier(1)
Quand j’ravise(2) ech’ mouviar(3) pluquer(4) dins mes fraisiers

Dins min gardin, ech sus contint

In automne, ech sus bien din min gardin, avec min t’chien
Quand j’ramasse mes manottes(5) d’échalotes
Quand ech récolte des cageots d’belles carottes
Dins min gardin, ech sus contint.

In hiver, ech sus bien din min gardin, (mais sans min t’chien)
Quand el neige al brille ed sous un blanc solel
Quand même ech frod y pique à mes orelles
Dins min gardin, ech sus contint.


Georges RATEL
Croisilles (62128)


1- Peumier = pommier
2- Raviser = regarder
3- Mouviar = merle
4- Pluquer = fouiller
5- Manotte = poignée